世界盃開鑼前夕，全港球迷步入興奮狀態。呢個時刻，有位特殊球迷得到最珍貴禮物，係曼聯球星蘇斯克查簽名球衣、足球同慰問卡。呢位特殊球迷就係勇警朱振國，佢執勤受傷，迄今癱瘓在床，呢份足球禮物，球迷個個都鍾意，佢境遇，個個都唔想，如果唔係東方報業集團旗下報刊屢屢呼籲，朱振國慘遇，早已被遺忘。
球迷要睇世界盃，梗係要睇《東方日報》，大家見到，《東方日報》與《太陽報》聯合編製足球天書《2006世界盃豪門夜宴》，僅僅72小時就換購一空，展示《東方日報》號召力，展示東方波經魅力。
市民想知道香港大事，心中有不平事想申訴，梗係睇《東方日報》。東方對朱振國關懷，喚起各方關注，為佢治療方案注入生機。可惜，昂船洲高壓氧艙形同虛設，寧肯閒置而不肯用在朱振國身上，不願意為朱振國及其家人燃點新的希望。朱振國妻子忍無可忍，要去信特首爭取用高壓氧艙治療勇警，東仔希望煲呔唔好借聾耳陳隻耳，因為佢曾經講過話福為民開！
送聖安娜餅屋5蚊現金券 市民今日入馬場，當然要買《東方日報》，事關最近東方評馬專家貼中三T，為讀者送上橫財成百萬。今日三T彩金更驚人，如果10蚊一注中，幸運兒可獨得3,800萬，《東方日報》當紅當旺，貼士準繩，讀者入馬場，梗係要有份《東方日報》傍身，捧熱敲冷，得心應手。
今日買份《東方日報》更可以先頭彩，隨報即送聖安娜餅屋5蚊現金券，讀者憑券到香港聖安娜餅屋選購各款精美西餅、蛋糕或麵包，即可當5蚊使，自己配一杯香濃咖啡或奶茶，歎份靚早餐，精神奕奕入馬場掘草皮。有《東方日報》提供準繩貼士，指點迷津，「有東方，冇窮人」呢句口號高唱入雲，實行刀仔鋸大樹，搵餐大茶飯。
想歎零食，請揭去E8版，有日式風味曲奇，誘惑價益讀者，憑東方優惠券去7-ELEVEn買松崎曲奇系列（110-150克），原價每2盒售25.8元，東方讀者每2盒只售14蚊，有抹茶味、朱古力味或紅茶味可選擇。日式曲奇具風味特色，屋企歎又得，帶入馬場歎又得。東仔祝各位旗開得勝，馬場得意！